- Details
- Category: სიახლეები
- Hits: 1131
17 მაისს ბოლნისის მუნიციპალიტეტის სოფელ მუხრანას საჯარო სკოლაში მე-9, მე-10 და მე-11 კლასის მოსწავლეებთან ჩავატარეთ გაცნობითი ხასიათის შეხვედრა, რომელიც მოიცავდა პროფორიენტაციის ნაწილს.
მარნეულის სამედიცინო კოლეჯის საზოგადოებასთან ურთიერთობის სამსახურის უფროსმა ანა ტოროტაძემ და სტუდენტთა მომსახურების, უწყვეტი განათლების და კარიერული განვითარების სამსახურის უფროსმა შორენა კუპატაძემ ისაუბრეს:
პროფესიული განათლების მნიშვნელობაზე;
კოლეჯში არსებულ პროფესიებზე;
დასაქმების შესაძლებლობებზე;
სხვადასხვა სტუდენტურ სერვისებზე და აქტივობებზე;
მოსწავლეებმა შეავსეს კითხვარი და SWOT ანალიზი.
შეხვედრაზე იმყოფებოდნენ კოლეჯის პროფესიული სტუდენტებიც, რომლებმაც სკოლის მოსწავლეებს გაუზიარეს თავიანთი გამოცდილება.
- Details
- Category: სიახლეები
- Hits: 1187
დღეს ქართულ ენაში საინტერესო აქტივობა გვქონდა წიგნის კითხვის პოპულარიზაციის მიზნით “მოხეტიალე წიგნი”
სტუდენტებთან ერთად შევარჩიეთ ლოკაცია მარნეულის კულტურის ცენტრის სკვერი, სადაც დავტოვეთ რამოდენიმე წიგნი.
ველოდებით გამოხმაურებას ჩვენი სტუდენტების დატოვებული წიგნების მკითხველებისგან.
მობრძანდით მარნეულის სამედიცინო კოლეჯში ერთად განვიხილოთ წაკითხული წიგნების გმირები!
- Details
- Category: სიახლეები
- Hits: 1122
ლაშქრობა შაუმიანი - სიონის მარკირებულ საფეხმავლო ბილიკებზე, რომელიც მარნეულის მუნიციპალიტეტის მერიის ორგანიზებით მოეწყო მონაწილეობა მიიღო, მარნეულის სამედიცინო კოლეჯმა მარნეულის მე-2 საჯარო სკოლის და წითელი სოფლის საჯარო სკოლის მოსწავლეებთან ერთად.
ლაშქრობაზე მოინახულეს შაუმიანის მე-13 საუკუნის ქართული ტაძარი და სიონის ხარების სახელობის ქართული ტაძარი.
პროფესიულმა სტუდენტებმა სასიამოვნო და ამევე დროს ინფორმაცით დატვირთული ერთი დღე გაატარეს ბუნებაში.
P.S. შემოგვიერთდი შენც! გახდი მარნეულის სამედიცინო კოლეჯის სტუდენტი და ჩვენ საინტერესო სტუდენტობას გპირდებით.
- Details
- Category: სიახლეები
- Hits: 1138
1 მაისს ქართული ენის სტუდენტებთან ერთად ვიმყოფებოდით მარნეულის საჯარო ბიბლიოთეკაში, სადაც ბიბლიოთეკის დირექტორმა ლანა ხეხელაშვილმა შიდა ექსკურსია მოუწყო სტუდენტებს.
ასევე დაათვალიერებინეს American Corner Marneuli -ის სივრცე და გააცნეს დაგეგმილი აქტივობები.
წამოსვლისას სტუდენტებმა ბიბლიოთეკიდან წასაკითხი წიგნებიც წამოიღეს.
P.S. მარნეულის სამედიცინო კოლეჯიში ქართული ენის სწავლა ბევრ დამატებით საინტერესო აქტივობას გულისხმობს, რადგან ქართულ ენაზე კომუნიკაცია მნიშვნელოვანია. ჩვენთან ქართული ენის სწავლა სრულიად უფასოა.
- Details
- Category: სიახლეები
- Hits: 1146
29 აპრილს მარნეულში გაიმართა “პროფესიული განათლების ფორუმი”, სადაც სხვა კოლეჯებთან ერთად მონაწილეობდა მარნეულის სამედიცინო კოლეჯი.
კოლეჯის წარმომადგენლებმა ყველა დაინტერესებულ მსურველს გააცნეს პროფესიების შესახებ ინფორმაცია, საჩუქრად გადასცეს კალმები, ბლოკნოტები, საინფორმაციო ბუკლეტები და ფერად-ფერადი კანფეტები.
კოლეჯის სივრცეში ღონისძიებაზე პროფესიების მიხედვით წარმოდგენილი იყო სხვადასხვა სიმულაციები, რომელმაც დიდი დაინტერესება გამოიწვია დამსწრე საზოგადოებაში.
სწავლის მსურველებმა ადგილზე შეავსეს “კითხვარი”.
ღონისძიება ორგანიზებული იყო „ცოდნისა და უნარების განვითარების ქსელებისა და პლატფორმების გაძლიერების“ (LINKS) პროექტის ფარგლებში. პროექტი, ევროკავშირის მხარდაჭერით, „საქართველოს გაეროს ასოციაციისა“ (UNAG) და „საქართველოს ღია საზოგადოების ფონდის“ (OSGF) მიერ განხორციელდა. ქვემო ქართლის რეგიონში პროექტის პარტნიორი ორგანიზაციები არიან ახალი აზროვნების ინსტიტუტი (NTI) და მარნეულის დემოკრატ ქალთა საზოგადოება.
